Wisdom Teeth Hmong

Hniav Txhab

California Dental Association
Qhov chaw tso siab tau los qhia txog kev kho hniav

Muaj ntau zaj dab neeg uas hais txog seb ua cas tus hniav txhab ho tau lub npe ntawv. Ib txoj kev xav mas nws hais tias lawv tis pib tuaj kom txog thaum uas peb muaj 18 xyoo - lub hnub nyoog uas peb yuav tsum tau ntse lawm. Tiam sis, yog hais tias yog li ntawv no, ces qhov kev tshau (test) me me ntawm no yuav tsum yooj yim heev.

Tseeb los sis Cuav:

• Txhua tus neeg tus tus hniav txhab yeej yuav tuaj tsis hais tam sim no los sis lwm hnub.
• Txhua tus neeg tus hniav txhab yuav tsum tau tuaj tsis hais tam sim no los sis lwm hnub.
• Qhov uas qhia tias tus hniav txhab yuav tsum tau muab tshem tawm mas yog hais tias nws pheej mob tas li.
• Txhua tus neeg yeej yug los muaj tus hniav txhab.

Qhov tseeb yog:

• Ib co hniav txhab yeej tsis tuaj. Cov no yog hu ua cov hniav txhab uas tuaj tom ntug. Qhov tsis zoo mas, cov hniav no tseem yuav ua kom puas hauv qab ntawm qhov kab npoo hniav uas tuaj mus rau thiab ua kom cov hniav puas loj uas muaj tau 12 xyoos ntawv puas. Yog hais tias muaj li no, yuav tsum tau muab tshem tawm.
• Ntxiv nrog rau qhov teeb meem uas raug rau cov hniav txhab, cov hniav txhab uas tshwm me me xwb (tshwm los ntawm cov pos hniav me ntsis) yuav tsum tau muab tshem. Cov khoom noj thiab cov txo raug khuav rau hauv cov kis ntawm tus hniav uas tshwm me me thiab cov npoo hniav, thiab ua rau kom muaj mob huam tuaj thiab kab mob rau ntawm npoo hniav, twb tsis hais qhov mob xwb. Tiam sis raws li Dr. Robert Boyd, Orthodontist, Periodontist, thiab tus Thawj Tswj ntawm lub Caj Meem Fai Orthodontics hauv lub Tsev Kawm Ntawv Qib Siab (Txhooj Cam Faj) txog Kev Kho Hniav (University of the Pacific School of Dentistry), tus qauv hnub no yog kom muab cov hniav hniav txhab uas nws muaj kev kaj huv thiab nyob twj ywm ntawv cia nws nyob nws, uas tsuas saib xyuas ntev mus kom lawv nyob muaj kev kaj huv thiab nyob chaw. Dr. Alex McDonald, Oral Surgeon thiab Director of the Implant Clinic ntawm UOP pom zoo ib yam li thiab, uas taw rau cov kev phom sij uas txuam nrog rau thaum uas siv tshuaj ua kom tsaug zog thiab qhov phom sij ntawm qhov uas ua raug cov leeg ntawm sab puab tsaig sab hauv qab thaum uas tshem tus hniav txhab hauv qab mas yuav tsum tau xav ua ntej tso thaum uas xav tias yuav tshwm tus hniav txhab uas tuaj tom ntug.
• Feem ntau cov neeg paub hais tias lawv muaj teeb meem txog lawv tus hniav txhab muaj mob hniav tas mus li. Thaum uas qhov mob ntawv ploj lawm ib pliag, lawv pheej xav hais tias tsis muaj teeb meem dab tsi loj uas yuav txhawj txog. Cov kev mob mus mus los los no ua li no mus ntau xyoo. Tiam sis, nws yog ib qho zoo uas yuav tau muab tus hniav txhab uas puas no kom sai li sai tau, thaum uas qhov phais thiab qhov zoo tom qab ntawv nws yooj yim dua thaum uas cov txhab puab tsaig tseem mos thiab zooj.
• Muaj qhov feem pua me me ntawm cov neeg muaj hmoo uas yug los tsis muaj ib tug hniav txhab. Ib co neeg yeej tsis muaj li!

Kev mus soj ntsuam cov hniav tas li yog ib qho tseem ceeb ntawm qhov uas ua kom koj cov hniav txhab muaj kev kaj huv thiab nyob khov - thiab los pab koj tus kws kho hniav uas yog ib tug neeg koom hauv California Dental Association (CDA) tawm tau tswv yim kom ncaj sij hawm los pab muab nws tshem tawm, yog hais tias tsim nyog.

800.CDA.SMILE
cda.org