Sealants Hmong

Yas Lo Hniav (Sealant)

California Dental Association
Qhov chaw tso siab tau los qhia txog kev kho hniav

Kev tiv thaiv hniav lwj mas nws yuav yooj yim. Tej zaum koj twb paub hais tias kev thxuam hniav txhua hnub thiab siv hlua dig hniav yog qhov uas tseem ceeb tshaj los tiv thaiv kom tsis txhob muaj quav hniav, uas yog yam ua kom muaj kab noj hniav. Ntxiv nrog rau qhov uas koj txhuam hniav thiab siv hlua dig hniav txhua hnub, koj tus kws kho hniav yuav muab tau ib txheej khoom yas – hu ua Yas Lo Hniav (sealant) – tso rau sab saum toj los sis qhov chaw uas tom ntawm koj cov hniav sab nram qab. Txheej yas lo hniav no nws ua ib qho kev thaiv rau ntawm koj cov hniav thiab kaw cov kab noj hniav uas yuav ua tau hniav lwj uas nyob hauv cov quav hniav tawm.
 
Quav Hniav  yog dab tsi thaib yog vim li cas nws ho ua tau rau kab noj hniav?
Cov khoom noj thiab cov kua uas koj noj thiab haus muaj cov kab mob los ua ib qho txo nplaum hu ua quav hniav. Quav hniav nyob rau ntawm cov hniav thiab nyob hauv cov kis hniav, uas nws pib noj tus txha hniav laus. Yog hais tias tsis txhuam hniav thiab tsis siv hlua dig koj cov hniav es tshem cov quav hniav tawm tas li, nws yuav ua tau ib co acides uas yuav ua ib qho to los sis qhov (kab noj hniav) hauv tus hniav. Qhov no yog hniav lwj.

Yas lo hniav yuav pab tiv thaiv kab noj hniav tau li cas?
Kev muab ib daim yas nyias nyias thaiv tso rau koj cov hniav yuav ua rau kom cov quav hniav lo nyuaj rau ntawm qhov chaw uas tom nyob sab nram qab ntawm cov hniav ntawv nyuaj zog - uas tiv thaiv tus hniav thiab txo qhov uas yuav muaj taus hniav kab noj.

Tso daim yas lo hniav puas nyuaj thiab?
Tsis nyuaj. Kev tso daim yas lo hniav mas nws ceev, yooj yim thiab tsis mob. Feem ntau, daim yas lo hniav yuav kav mus ob peb xyoos. Thaum uas mus soj ntsuam cov hniav li niaj zaus mus, koj tus kws kho hniav los sis tus kws uas pab txog kev tu lub qhov ncauj yuav xyuas saib cov yas lo hniav puas tseem nyob ruaj chaw.

Leej twg yuav tsum tau cov yas lo hniav?
Yas lo hniav mas nws zoo rau qhov uas txo cov kev kab noj hniav hauv cov menyuam yaus uas nyuam qhuam tuaj hniav. Qhov tseeb, tag nrho cov menyuam yuav tsum tau coj lawv cov hnaiv puas loj (molars) (cov hniav nyob sab nram qab) mus soj ntsuam seb puas yuav tsum tau yas lo hniav kom sai thaum uas tshwm kiag. Rau cov menyuam feem coob, qhov no tshwm sim li thaum uas muaj li ntawm 6 mus rau 12 xyoos.

Yas lo hniav yuav yog ib qho zoo los ua kom tsis txhob muaj hniav lwj hauv cov hniav laus thiab. Kev siv yas lo hniav yog ib qho kev tiv thaiv los ua kom cov hniav muaj kev kaj huv. Nws yog ib txoj kev zoo los txo txoj kev uas mus ntsaws hniav thiab cov kev kho hniav uas kim kim uas yuav tau kho qhov uas puas tsuaj los ntawm hniav kab noj, li no cov yas lo hniav yuav txuag tau koj li nyiaj.

Nug koj tus kws kho hniav uas yog ib tug neeg koom hauv California Dental Association (CDA) seb yas lo hniav puas yuav yog ib qho kev kho uas zoo rau koj thiab koj cov menyuam los pab kom lawv tsis txhob muaj hniav lwj.

800.CDA.SMILE
cda.org