Patient Records Hmong

Tus Neeg Mob Cov Ntaub Ntawv

California Dental Association
Qhov chaw tso siab tau los qhia txog kev kho hniav

Kuv muab puas tau ib co qauv ntawm kuv cov ntaub ntawv kho mob?

Tau. Neeg feem ntau pheej nkha sij (confused) txog qhov uas seb leej twg muaj feem tau cov x-rays. Txoj cai hais tias yog hais tias tus kws kho hniav tau lawm, yog tus neeg mob tus kws kho hniav tshiab thov txog lawm, xa cov x-ray tseem tseem mus rau tus kws kho hniav tshiab ntawv, nws tsis tas yuav muab cov qauv rau tus neeg mob. Cov kws kho hniav uas tsis xav tso cov x-rays uas tseem tseem ntawv mus yuav muab tau ib co qauv rau tus neeg mob nqa mus rau tus kws kho hniav tshiab.

Tus kws kho mob kom kuv them rau cov qauv ntawv puas tau?

Tau. Tus kws kho hniav muaj cai rau ib tug nqi uas tsim nyog raws li lub sij hawm ntawv thiab tus nqi uas raug los npaj qhov ntawv.

Kuv puas yuav tsum tau them kom tag nrho cov nqi uas kuv tsis tau them ua ntej kuv yuav tau txais kuv cov qauv?  

Tsis tau. Cov kws kho hniav yuas yuam tsis tau kom them kom tas cov nqi uas tsis tau them ntawv ua ntej yuav muab cov ntawv rau koj. Tiam sis, muaj lwm txoj kev uas yuav ua kom tau kom them cov nqi uas tsis tau them nqi kom tas rov qab.

Kuv muaj cai tau dab tsi kiag?           

Txoj cai uas tswj tus neeg mob txoj cai hais txog kev tau cov ntaub ntawv kho mob yuav nrhiav tau nyob rau ntawm California Health and Safety Code Section 123100-123149.5. Nws muab cov neeg mob cai:

• Mus soj ntsuam cov ntaub ntawv thaum lub sij hawm ua hauj lwm li ntawm tsib hnub tom qab muab daim ntawv sau thov.                                     
• Tau cov qauv ntawm cov ntaub ntawv li ntawm 15 hnub tom qab sau daim ntawv thov.
• Tau txais cov x-rays los sis cov qauv li ntawm 15 hnub tom qab sau daim ntawv thov.

Txoj cai muab tus kws kho hniav txoj cai:

• Rau ib tug nqi uas tsim nyog rau qhov uas nrhiav thiab npaj cov ntaub ntawv.
• Tus nqi $.25 rau ib daim ntawv twg (los sis $.50 rau ib daim ntawv twg rau daim qauv uas luam los ntawm microfilm), nrog rau cov nqi luam.
• Cov nqi uas tsim nyog, uas tsis pub tshaj tus nqi luam, rau cov qauv x-rays.
• Npaj ib qho kev sua lus txog cov ntaub ntawv los hloov qhov uas muab cov qauv los sis cia mus soj ntsuam.

Yog hais tias siv qhov uas sua lus ntawv, qhov kev sua lus yuav tsum muab li ntawm kaum hnub ua hauj lwm tom qab tus neeg mob thov, 30 hnub rau cov ntaub ntawv uas ntev heev los sis yog hais tias tus neeg mob tau tawm hauv ib qho chaw kho mob li ntawm kaum hnub tas los. Nws yuav tsum muaj qhov (cov) uas tsis txaus siab seb yog dab tsi txog qhov keeb kwm; kev pom los nawm kev sib tham thiab kev xa mus rau lwm tus neeg muab kev pab kho mob; kev xyuas tias pom mob dab tsi, seb yog qhov twg kiag; kev npaj kho thiab qhov kev pab los ua kom zoo, nrog rau cov tshuaj uas sau mus yuav; seb kho mus zoo li cas lawm; qhov uas pom tias yuav kho li cas thiaj li zoo, nrog rau cov teeb meem los sis cov mob uas tseem mob txuas ntxiv; cov ntaub ntawv hais txog cov txoj kev uas los xyuas tias mob li cas thiab cov kev soj ntsuam thiab tag nrho cov kev sua lus thaum uas tawm; seb pom muaj dab tsi thaum uas soj ntsuam ib ce zaum kawg, xws li ntshav siab npaum li cas, nyhav pes tsawg thiab qhov uas muaj nqis los ntawm cov kev soj ntsuam roj ntsha; thiab ib daim ntawv uas muaj tag nrho cov tshuaj uas kws kho mob sau los yuav uas noj tsam sim no, nrog rau seb noj npaum li cas, thiab cov kev phiv tshuaj uas tus kws kho hniav pom tias muaj.

Yog hais tias muab ib daim ntawv sau lus, tus kws kho hniav yuav tham nrog tus neeg mob es xyuas seb yog vim li cas tus neeg mob ho yuav xav tau cov ntaub ntawv. Yog hais tias cov lus qhia uas xav tau ntawv tsuas yog muaj feem rau tej yam kev raug mob, cov kev mob nkeeg los sis tej lub sij hawm, qhov kev sua lus ntawm tsuas sau txog cov khoom uas muaj feem rau hauv xwb.

800.CDA.SMILE
cda.org