Orthodontics Hmong
Zawm Hniav (Braces)...rau kuv los?
California Dental Association
Qhov chaw tso siab tau los qhia txog kev kho hniav
Kev zawm hniav (braces), los sis kev kho cov hniav uas nkhaus, yuav pab tau cov menyuam thiab cov neeg laus. Thiab cov kev kho tshiab hauv txoj kev ua kom zoo nkauj tsis ntev los no tau ua kev zawm hniav kom tsis tshua pom li yav tas los lawm. Cov uas tuav (brackets), seem ntawm qhov zawm hniav uas tuav cov hlau (wires) uas ke, sib tuav ntawm hauv ntej ntawm cov hniav thiab yuav yog hlau, kaj liag (clear) los sis hom kob uas zoo li cov hniav. Tej zaum cov uas tuav ntawv yuav muab zawm tau rau sab nraum qab ntawm cov hniav. Qhov tshiab tshaj hauv kev kho cov hniav uas nkhaus kom zoo nkauj mas yog kev zaum hniav uas “tsis pom li” - kaj liag, tshem tau, cov pas ua kom ncaj uas yog yas uas txav koj cov hniav rau qhov chaw tshiab.
Kuv yuav ua cas paub seb kuv puas yuav tsum tau zawm hniav?
Koj tus kws kho hniav uas yog ib tug neeg koom hauv California Dental Association (CDA) yuav soj ntsuam koj lo hniav uas sib dhos ntawm cov hniav sab sauv thiab sab hauv thaum kaw qhov ncauj (occlusion) (tom) thiab tej zaum yuav xav tias kev zawm hniav yog ib qho zoo rau koj yog hais tias koj qhov kev tom ntawv nyob tsis ncaj (malocclusion). Kev tom uas nyob tsis ncaj tej zaum yuav yog los ntawm qhov uas cov hniav tuab heev, muaj tej tug hniav uas poob lawm, muaj cov hniav uas tshaj, los sis lub puab tsaig uas nyob tsis ncaj. Hauv cov menyuam, qhov kev tom uas nyob tsis ncaj tej zaum yuav yog raws roj ntsha los, los sis tej zaum yuav yog los ntawm tej yam xwm txheej, qhov npuav ntiv tes xoo, lov hniav ntxov los sis lwm yam uas yuav ua rau kom tus hniav thiab puab tsaig nyob tsis ncaj chaw. Rau cov neeg laus, qhov kev tom uas nyob tsis ncaj feem ntau yog los ntawm qhov uas lov hniav los sis hloov chaw uas tshwm sim thaum lub sij hawm uas tom ntawv. Ib tug neeg laus tej zaum yuav muaj ib qho kev tom uas nyob tsis ncaj uas tsis kho thaum uas tseem yog menyuam yaus thiab txiav txim siab ho kho thaum uas yog ib tug neeg laus lawm!
Cov menyuam yuav tsum tau mus soj ntsuam ntawm ib tug kws kho hniav uas yog ib tug neeg koom hauv CDA thaum uas lawv cov menyuam hniav lov thiab lawv cov hniav khov ntawv tuaj. Feem ntau, kev tiv thaiv cov hniav uas tuaj tsis ncaj thaum ntxov hauv ib tug menyuam uas loj hlob yuav tsis muaj kev kho hniav loj uas tej zaum yuav tau kho thaum uas koj loj tuaj lawm.
Cov teeb meem ntawm cov hniav nkhaus yuav pab tau li cas?
Txoj kev uas txav cov hniav mas nws zoo tib yam rau txhua tus neeg, txawm yog menyuam los sis ib tug laus. Qhov uas nias tus hniav tas li yuav nias rau tus pob txha uas tuav tus hniav, uas ua rau kom tus pob txha ntawv lov. Tib lub sij hawm ntawv, lub zog uas ua rau tus pob txha uas raug “rho tawm” yuav ua rau kom nws loj tuaj thiab npog sab nraum tus hniav. Vim cov pob txha hauv cov neeg laus tsis loj tuaj ntxiv lawm thiab tsis ua ntxiv lawm, cov kev kho cov hniav uas nkhaus rau cov neeg laus tej zaum yuav siv sij hawm ntev dua cov menyuam, tiam sis txoj kev no mas nws zoo tib yam rau txhua tus neeg. Thaum uas cov twj uas “siv ua hauj lwm” los txav cov hniav raug tshem tawm lawm, yuav tsum tau coj lub uas tuav kom khov (retainers) kom cov hniav nyob ruaj khov rau ib qho chaw thiab kom tus pob txha uas nyob ib ncig ntawv nyob ruaj. Tiam sis, lub qhov ncauj yog ib qho chaw uas hloov tas li. Vim peb ntxo, nqos, thiab lwm yam, cov hniav yuav txav ntev mus thiab neeg yuav tsum tau paub hais tias yuav kom cov hniav nyob twj ywm rau ib qho chaw tas mus li thiab tiv thaiv kom tsis txhob txav yav pem suab los sis rov qab zoo li qub, mas tej zaum yuav tsum tau coj ib lub uas tuav kom khov.
Cov kev tsim tej yam tshiab hauv kev kho cov hniav uas nkhaus ua rau lawv zoo nkauj thiab zoo rau cov menyuam thiab cov laus tib yam. Koj tus kws kho hniav uas yog ib tug neeg koom hauv CDA yuav soj ntsuam qhov zoo ntawm kev kho cov hniav uas nkhaus rau koj thiab pab tawm tswv yim rau koj txog koj cov kev xaiv. Yog hais tias koj tau tos kom tau ib co hniav uas ncaj, ib qho kev luag uas zoo nkauj, los sis kom tom tau zoo . . . tsis txhob tos ntev ntxiv lawm!
800.CDA.SMILE
cda.org