Oral Piercing Hmong

Kev Tho Qhov Ncauj

California Dental Association
Qhov chaw tso siab tau los qhia txog kev kho hniav

Kev ua kom zoo nkauj zoo nraug nws hloov. Lawv yeej hloov tas li. Pib li ntawm qhov kho plaub hau mus rau cov kob ntawm cov plaub hau, cov tiab luv mus rau cov tiab luv luv, thiab tej duab (tattoos) mus rau cov khawb ntawm qhov ncauj, ib tiam twg nws nrhiav ib co kev tshiab los qhia txog nws tus kws kheej. Kev tho ntawm qhov ncauj thiab ntau hom kauj ntawm qhov ncauj mas nws yog ib qho uas cov hluas hauv Mis Kas Teb no xaiv heev. Tiam sis, cov uas xav tho yuav tsum paub txog cov kev phom sij ua ntej yuav txiav txim siab ua qhov ntawv.

Kev xaiv ib tug neeg tho uas tshaj lij yog thawj kauj ruam uas tseem ceeb thaum uas txiav txim tias yuav tho ntawm qhov ncauj. The Association of Professional Piercers (APP), ib lub koom hauv thoob hauv teb chaws muaj kev ruaj siab los qhia txog kev kaj huv ntawm cev thiab kev ruaj ntseg hais txog kev tho, cov neeg tho tau kev pom zoo uas tau xyaum txuas hauv kev tua cov kab mob (sterilization), kev tswj qhov voos, kev pab thaum muaj xwm ceev thiab kev kis kab mob hauv cov ntshav. The APP xav tias koj yuav tsum tau xaiv ib tug neeg tho uas koj paub zoo hais tias lawv siv cov khoom uas tua kab mob (autoclave sterilizer) thiab tsis rov siv cov koob qub. Ntxiv thiab, xyuas chav uas tho ntawv kom paub tias nws huv thiab nug seb nws puas yuav muab cov kev qhia tu tom qab ua tas. Qhov zoo tshaj mas, mloog koj qhov kev xav. Yog hais tias qhov chaw ntawv nws zoo li tsis raug cov qauv, nrhiav dua ib tug tshiab.

Txawm tias koj xav hais tias koj nrhiav tau ib tug neeg tho uas twb ua dua dhau los lawm thiab paub heev los, koj yuav tsum tau ras txog tag nrho cov kev tho uas muaj tej cov kev phom sij nrog. Ib cov tsos mob tom qab tho ntawm qhov ncauj tag muaj xws li mob, o, thiab los qaub ncaug heev. Lub qhov ncauj nws muaj cov kab bacteria ntau heev thiab yuav ua tsis tau kom nws "huv" zoo li niaj zaus. Li no, yuav muaj kev voos dua tom qab tho qhov ncauj tas. Ntxiv thiab, yog hais tias ib txoj hla ntsha nyob ncaj kev thaum uas tho ntawv, tej zaum yuav tswj tsis tau qhov uas loj ntshav ntawv thiab tej zaum yuav los ntshav heev. Rau tej cov, kev lom los ntawm covn tshav los sis ntshav txhaws tej zaum yuav tshwm sim.

Thaum uas qhov tho ntawv nws zoo lawm, tseem tshuav qhov uas tej zaum yuav puas tsuaj rau cov hniav thiab cov pos hniav uas yog raug los ntawm cov khawb ntawm lub qhov ncauj. Cov khawb hlau nws feem ntau yog lub hauv paus uas ua rau tus hniav khis los sis tawg. Cov khawb uas yas yuav txo tau qhov kev phom sij no, txawm tias nws yuav tshem tawm tsis tau qhov no tag nrho. Rau qhov uas tho ntawm daim di ncauj, sab "nraum qab" ntawm cov khawb, tom rau sab hauv ntawm lub qhov ncauj, yuav yog ib qho mob rau cov nqaij uas nyob ntxeev ntawv. Thaum uas qhov hlau los sis yas ntawv nyob rau ntawm cov nqaij mos ntawm cov pos hniav, nws yuav puas mus thiab ua kom ntuag thaum uas nws txav mus mus los los. Vim li no, nws yog ib qho uas tseem ceeb tshwj xeeb tshaj plaws uas yuav tau xyuas cov nqaij mos uas nyob ib ncig ntawm cov hlau los sis yas hauv lub qhov ncauj tas li kom pab tau qhov kev kaj huv ntawm cov nqaij no. Yog hais tias cov khawb ntawv ua rau puas tshuaj los sis ua voos, nws yog ib qho tseem ceeb uas yuav tau paub txog qhov no thaum ntxov.

Thaum kawg, txoj kev txiav txim tho, los sis tsis tho, yog ib qho uas yus yuav tau xaiv yus. Xyuas ntsoov tias, thaum uas koj txiav txim li ntawv, koj yuav tsum tau paub meej kom zoo zoo thiab yuav los tu koj txoj kev kaj huv hauv qhov ncauj.

800.CDA.SMILE
cda.org