Oral Cancer Hmong
Qhov Ncauj Hlav Qog Nqaij Cancer
California Dental Association
MUS RAU PEM SUAB. UA KE.
Yuav ntsuam xyuas pom muaj ntau tshaj 34,000 tus Neeg Asmeskas muaj mob hlav qog nqaij hauv qhov ncauj los yog hauv hlab caj pas rau lub xyoo no. Nws yuav muaj tshaj 8,000 tus neeg tuag, uas yog plaub teev twg yuav tuag ib tug neeg hauv txhua hnub. Ntawm 34,000 tus neeg nyuam qhuav ntsuam xyuas tau tshiab no, tsuas tshuav ib nrab thiaj li tseem ciaj sia tom qab 5 lub xyoo xwb.
Ob txoj kev uas feem neeg coob muaj mob hlav qog nqaij hauv qhov ncauj yog los ntawm kev haus luam yeeb thiab haus dej caw thiab los ntawm txoj kev kis tau tus kab mob kas cees human papilloma virus (HPV) – tib tug kab mob tsim muaj cov qog nqaij hlav rau hauv poj niam lub tsev me nyuam.
Qhov ncauj hlav qog nqaij cancer pib muaj cov pob me me, dawb lias los yog liab tseb tsis pom tseeb los yog mob dab tsi rau hauv lub qhov ncauj uas tsis paub txog kom thaum twg nws loj (kis) mus rau lwm qhov chaw hauv lub cev. Nws pib mob rau txhua qhov ntawm lub qhov ncauj xws li cov di ncauj, cov pos hniav, sab hauv ob sab phlu, tus nplaig, thiab qaum puag tsaig los yog sab puab tsaig hauv qab plaig. Yog paub txog thaum ntxov, yuav kho tau cov qog nqaij hlav hauv qhov ncauj li 80 rau 90 % kom ciaj. Cov kws muaj txuj ci kho hniav yog thawj cov pab nrhiav kom paub txog qhov ncauj hlav qog nqaij cancer thaum tseem ntxov. Koj tus kws kho hniav CDA yuav ntsuam xyuas qhov ncauj hlav qog nqaij cancer tau nrog txoj kev niaj zaus mus ntsuam xyuas hniav.
Paub txog cov kab mob thaum tseem ntxov yuav muaj feem cawm ciaj sia taus. Cov mob thaum ntxov muaj xws li:
- Lub qhov to uas los ntshav yooj yim los yog tsis txawj zoo
- Cov nqaij hauv qhov ncauj twg hloov xim
- Ua thooj, nqaij tuab tuab, ntxhib, ua kiav txhab los yog tej qhov nqaij me me lwj
- Hnov mob, rhiab los yog loog hauv lub qhov ncauj los yog ntawm ob daim di ncauj
- Zom, nqos, hais lus, los yog txav lub puab tsaig los yog tus nplaig nyuab
- Cov hniav sib dhos txawv
Txawm hais tias pom muaj qog nqaij hlav cancer hauv qhov ncauj ntawm tej cov tib neeg uas tsis muaj feem yuav muaj mob los, feem ntau tus kab mob no yeej tshwm sim muaj nyob ntawm cov neeg uas siv luam yeeb txhua hom. Haus dej caw ntxiv rau luam yeeb yuav tsub kom feem muaj mob ntau heev tshaj dua. Yuav muaj hlav qog nqaij cancer hauv qhov ncauj ntau dua rau cov neeg laus dua 40 xyoo thiab cov tiv tshav ntuj kub ntev heev. Noj cov txiv hmab txiv ntoo thiab zaub ntau yuav pab tiv thaiv tus kab mob qog nqaij hlav cancer.
Yog koj pom tej yam dab tsi txawv hauv koj lub qhov ncauj, hu rau koj tus kws kho hniav CDA kom mus ntsuam xyuas sai. Qhia seb koj pom qhov txawv ntawd tau ntev npaum li cas lawm thiab seb nws loj zus los yog hloov xim los yog nws nyob zoo li qub tas li. Nco ntsoov, txoj kev paub thaum ntxov yog txoj kev cawm siav ciaj zoo tshaj plaws.
|
Luam Yeeb hauv Online-Ncauj Lus Qhia Txog Kev Txiav Luam Yeeb |
Cov Xov Tooj Pab Txhawb |
|
800.QUITNOW (800.784.8669) |
|
|
800.NOBUTTS (800.662.8887) |
|
 |
 |
 |
800.CDA.SMILE
cda.org