New Moms Hmong

Cov lus qhia rau cov niam thiab cov uas tseem yuav yog niam!

California Dental Association
Qhov chaw tso siab tau los qhia txog kev kho hniav

Tus yuam sij rau menyuam txoj kev kaj huv ntawm qhov ncauj yog pib ua ntej thaum nws cov hniav pib tshwm. Ntawm no ib co lus teb rau cov lus nug txog kev kaj huv ntawm cev uas pheej nug tas li hais txog cev xeeb tub, cov mos liab, cov menyuam uas txawj mus kev lawm (toddlers) thiab cov menyuam yaus.

1. Kev xeeb tub puas muaj feem dab tsi rau kuv txoj kev kaj huv ntawm qhov ncauj? Muaj... kev hloov hauv hormonal ua rau kom qhov uas cov pos hniav hnov mob rau cov kua hauv cov quav hniav. Kev txhuam hniav kom thoob thiab xuas hlua dig koj cov hniav ib hnub ob zaug es tshem cov quav hniav tawm thiab noj kom zoo yuav pab koj cov pos hniav kom nyob muaj kev kaj huv.

2. Kuv puas yuav tsum tau mus ntsib kuv tus kws kho hniav uas koom hauv CDA thaum uas kuv cev xeeb tub? Tau... koj yuav tsum tau mus soj ntsuam hniav li niaj aus mus. Tiam sis, nws yog ib qho tseem ceeb uas qhia rau koj tus kws kho hniav uas koom hauv CDA paub tias koj cev xeeb tub.

3. Kev yees duab x-rays puas muaj kev ruaj ntseg thaum uas cev xeeb tub? Muaj... kev yees duab x-rays mas muaj kev ruaj ntseg thaum uas cev xeeb tub thiab yog ib tug twj uas tseem ceeb heev uas siv los xyuas txog cov teeb meem ntawm cov hniav thiab kev kaj huv ntawm lub qhov ncauj. Tsuas yuav yees cov duab x-ray uas tsim nyog rau kev kho xwb. Yuav kom koj sia ib daim ntaub thaiv kom muaj kev tiv thaiv ntxiv.

4. Thaum twg kuv tus menyuam mos liab mam li pib tuaj hniav? Qhov uas pib tuaj hniav mas nws txawv ntawm ib tug menyuam mos liab mus rau ib tug. Tiam sis, feem ntau cov menyuam mos liab yuav pib tuaj hniav li ntawm rau mus rau 12 lub hlis.                     

5. Thaum twg kuv yuav tsum tau pib txhuam kuv tus menyuam cov hniav? Pib thaum uas yug los, ntxuav koj cov menyuam cov pos hniav uas siv ib tug menyuam txhuam hniav rau cov mos liab uas muag muag, muaj ib daim ntaub nyias nyias uas rwb, los sis ntaub thiab dej txias. Rau cov menyuam mos liab uas muaj ob xyoos rov hauv, niam txiv yuav tsum tau nrog tus menyuam tus kws kho hniav tham ua ntej yuav siv cov tshuaj txhuam hniav uas muaj fluoride.

6. Kuv yuav siv cov tshuaj txhuam hniav uas muaj fluoridated ntau npaum li cas thaum uas kuv txhuam kuv tus menyuam cov hniav? Pib thaum uas muaj 2 xyoos, siv ib qho tshuaj txhuam hniav fluoride me me luaj li lub noob taum thaum uas txhuam. Yuav tsum kom cov menyuam muab cov tshuaj txhuam hniav nti tawm, tsis txhob muab nqos, thiab yuav muab tau cov tshuaj txhuam hniav ntau zog tom qab nws muaj tsib los sis rau xyoo thaum uas tus menyuam yuav nti tawm tau zoo.

7. Kuv yuav tau coj kuv tus menyuam mus soj ntsuam hniav thawj zaug thaum twg? The American Academy of Pediatric Dentistry thiab feem ntau lwm cov koom haum saib xyuas kev kaj huv ntawm cev xav kom cov niam txiv thiab cov neeg tu teem ib lub sij hawm thaum uas koj tus menyuam thawj tus hniav tuaj, feem ntau li ntawm rau thiab kaum ob lub hlis.

8. Kuv yuav tiv thaiv li cas kom kuv tus menyuam mos liab tsis txhob muaj hniav lwj thaum ntxov, uas hu ua hniav lwj thaum yog menyuam laus los sis hniav lwj thaum uas noj menyuam lub raj mis? Thaum uas muab koj tus menyuam mos liab coj mus pw (pw luv los sis thaum tsaus ntuj), tsuas muab dej tso rau hauv lub raj mis xwb. Cov kua qab zib xws li cov mis, niam mis, kua txiv los sis dej qab zib yuav nyob ib ncig ntawm tus menyuam mos liab cov hniav thiab ua rau kom cov hniav lwj. Tsis txhob hnov qab ntxuav los sis txhuam koj tus menyuam mos liab cov pos hniav/cov hniav ob zaug ib hnub twg es tshem cov khoom noj thiab cov quav hniav tawm.        

9. Kuv yuav ua tau li cas ntxiv kom kuv tus menyuam cov hniav zoo? Menyuam tsis yog yug los es muaj cov kab uas ua rau kom cov hniav lwj. Lawv raug cov kab no los ntawm lawv tus neeg uas tu lawv, tshwj xeeb tshaj yog lawv niam. Yuav ua kom koj cov hniav zoo thiab tsis txhob lwj, koj yuav pab tau kom koj tus menyuam tsis txhob raug cov kab no thiab txo qhov uas yuav muaj cov hniav lwj thaum ntxov.

10. Kuv yuav ua tau dab tsi los pab kuv tus menyuam thaum uas nws khaus hniav? Muaj coob tus menyuam nyiam cov kauj tom (teething ring), ib rab diav txias, los sis ib daim ntaub uas ntub dej txias. Ib co niam txiv/cov neeg tu muab lawv tus ntiv tes uas huv ntawv coj mus so lawv tus menyuam cov pos hniav.

11. Kuv puas yuav tsum muab fluoride ntxiv rau kuv tus menyuam? Ib co menyuam mos liab yuav tsum tau tej hom fluoride ntxiv. Tiam sis, nws yog ib qho tseem ceeb heev uas yuav tau nrog koj tus kws kho mob pab cov menyuam yaus los sis tus kws kho hniav uas koom hauv CDA tham es xyuas seb yuav muab ntau npaum li cas raws li hauv lub zej zos uas koj nyob. Ib co zej zos muaj cov dej fluoridated los sis muab fluoride tov rau hauv lawv cov dej haus. Cov menyuam uas nyob hauv cov zej zos no yuav tsum tsis txhob muab cov no ntxiv.

12. Cov yas lo hniav (sealant) yog dab tsi? Cov yas lo hniav yog ib qho khoom uas clear thiab yog cov yas uas muab tso rau ntawm qhov chaw zom ntawm koj tus menyuam cov hniav nram qab. Cov yas lo hniav ua ib txheej los tiv thaiv tus hniav kom tsis txhob muaj kab mob thiab khoom noj. Cov yas lo hniav yuav txo tau kom cov hniav kom tsis txhob lwj hauv cov menyuam yaus thiab cov hluas. Koj tus kws kho hniav uas koom hauv CDA yuav soj ntsuam koj tus menyuam cov hniav thaum uas lawv piv tuaj thiab yuav kom muab cov yas lo hniav rau thaum uas pom tias tsim nyog.

Yog hais tias koj xav paub ntxiv, thov hu rau peb ntawm 800.CDA.SMILE los sis email koj cov lus nug los sis cov lus xav hais tuaj rau peb!

800.CDA.SMILE
cda.org