General Anesthesia and Oral Sedation Hmong
Tso Tshuaj Tsaug Zog thiab Ua Kom Qhov Ncauj Loog
California Dental Association
Qhov chaw tso siab tau los qhia txog kev kho hniav
Kev kho hniav tau los deb heev txij li thaum uas cov kws phais puag thaum ub los hloov cov kws kho mob ua tus neeg muab kev pab tu ua ntej rau kev kaj huv ntawm lub qhov ncauj thaum lub zwj ceeb Middle Ages. Kev ua kom tus neeg mob xis nyob yog qhov tseem ceeb ua ntej hauv kev kho hniav tam sim no thiab muaj ntau hom kev ua kom loog los pab kom tswj tau qhov mob.
Cov ntsiab lus nram qab no, muab los ntawm American Dental Association’s (ADA) Guidelines siv rau Kev Siv Tshuaj Kom Loog Thaum Uas Tseem Hnov, muab ib co ntsiab txhais uas cov neeg ua ntawv yuav nyeem tau hais txog ntau hom kev ua kom loog thiab tso tshuaj kom tsaug zog.
Kev ua kom loog yog kev txo los sis tshem tawm qhov mob ntawm ib tug neeg uas tseem hnov, xws li tso tshuaj loog (novocaine injections).
Kev Ua Kom Loog Thaum Tseem Hnov yog tso tshuaj kom tsis txhob hnov me me thaum uas ib tug neeg tseem ua taus pa ntawm nws tus kheej thiab/los sis tseem ua tau raws li cov lus hais kom ua.
Tso Tshuaj Tsaug Zog Tiam Sis Tseem Hnov yog ib qho kev ua kom tsaug zog uas tsis tshua hnov lawm, nrog rau qhov uas ua tsis taus pa ntawm nws tus kheej thiab/los sis ua tsis tau raws li cov lus hais kom ua.
Tso Tshuaj Tsaug Zog yog ib qho kev tso tshuaj kom tsis tshua hnov los sis tsis hnov kiag li lawm, nrog rau qhov uas ua tsis taus pa ntawm nws tus kheej thiab/los sis ua tsis tau raws li cov lus hais kom ua.
Feem ntau cov kev kho hniav mas nws siv qhov ua kom loog uas tsawg tshaj plaws -- uas feem ntau hu ua tso tshuaj loog (novocaine injection), txawm tias qhov kev ua kom loog no siv feem ntau xylocaine. Qhov no ua kom loog ncaj qha rau ntawm cheeb tsam uas yuav kho hniav ntawv. Hom ua kom loog no feem ntau yuav ploj mus tsis ntev. Koj tus kws kho hniav uas yog ib tug neeg koom hauv California Dental Association (CDA) yuav qhia rau koj kom ceev faj thaum noj ub no kom txog thaum uas cov leeg ntawv rov qab hnov tag tso, vim tej zaum koj yuav ua cov kua kub kub ntawv hlab koj cov nqaij mos los sis tom koj lub plu, daim di ncauj los sis tus nplaig yam uas koj twb tsis paub tias koj ua li ntawv.
Kev ua kom loog thaum tseem hnov, tso tshuaj tsaug zog tiam sis tseem hnov, thiab tso tshuaj tsaug zog, tsis tshua siv rau thaum uas kho hniav, yog ib qho uas tej zaum yuav tsum tau muaj rau tej txhia neeg. Lawv tswj tau qhov mob thiab qhov ntshai, yam uas yog tias tsis muaj cov ntawv rau tus neeg yuav tsis tau cov kev pab kho hniav uas lawv xav tau. Cov kev tswj qhov mob no pab tau ntau tus neeg mob xws li cov menyuam yaus, cov neeg laus thiab cov neeg uas ib ce tsis meej xeeb.
Thaum uas tham txog kev siv tshuaj tsaug zog thaum kho hniav, tus neeg mob yuav tsum tau qhia txog cov kev mob nkeeg, kev phiv tshuaj, los sis lwm cov kev mob los sis kev txhawj xeeb. Yog hais tias yog rau ib tug meyuam yaus, yuav tsum tau tham txog cov tshuaj uas tus menyuam ntawv noj. Tus niam txiv yuav tsum tau nug seb tus kws kho hniav puas ua raws li ADA tus qauv rau kev tso tshuaj kom tsaug zog thiab kev ua kom loog. Tus neeg mob los sis tus niam txiv yuav tsum tau nug cov lus nug tas li kom txog thaum uas nkag siab zoo txog cov kev uas yuav ua ntawv thiab, yog hais tias muaj kev txhawj xeeb, yuav tsum tau nrhiav tswv yim los ntawm lwm tus neeg sab nrauv tso.
KEV UA KOM TSAUG ZOG THIAB KEV UA KOM LOOG PUAS MUAJ KEV RUAJ NTSEG?
Cov kws kho hniav hauv California tau muaj keeb kwm los ntev heev lawm hais txog kev siv kev tso tshuaj kom tsaug zog uas muaj kev ruaj ntseg hauv lawv txoj hauj lwm.
1999 yog cim xyoo 20 txij thaum ua ntawm SB 389 (Keene), ib qho kev ntsuas uas tau kev txhawb nqa los ntawm CDA los tsim qhov uas yuav tsum muaj rau ib daim ntawv tso cai tso tshuaj kom tsaug zog. Tsab cai no caum tus qauv tom qab ADA cov qauv thiab qhov kev soj ntsuam uas twb muaj lwm uas siv los ntawm California Society of Oral and Maxillofacial Surgeons (vim cov neeg phais hauv qhov ncauj yog cov uas ua kom tsaug zog kiag hauv lub xeev).
CDA txhawb nqa tsoom fwv cov dag zog los ntxiv ib qho uas yuav tsum muaj rau hauv daim ntawv tso cai uas muaj ntsis zoo li no rau cov kws kho hniav uas siv cov kev ua kom tsaug zog tiam sis tseem hnov, nrog rau txoj kev pom zoo rau cov kws kho hniav general los siv cov kev ua kom loog tiam sis tseem hnov rau cov neeg mob uas tseem yog menyuam yaus.
Qhov ua kom cov kev ntsuas txoj kev ruaj ntseg ntawv muaj zog rau cov menyuam uas muaj 13 xyoos rov hauv uas tau kev ua kom lub qhov ncauj loog, CDA txhawb nqa AB 2006 (Keeley) thaum 1998, los tsim tsa ib qho Dental Board of California txoj kev pom zoo rau cov kws kho hniav uas tsis muaj daim ntawv tso cai tso tshuaj kom tsaug zog los sis ua kom tsaug zaug tiam sis tseem hnov. Thaum lub Yim Hli Ntuj nrab hauv 1999, qhov pawg neeg tswj pom zoo rau cov cai uas muaj qhov tias yuav tsum muaj ib qho kev kawm, kev xyaum thiab cov kev kawm txuas ntxiv (nrog rau nqe uas ua tswv ua ntej tshaj plaws (grandfather) rau cov uas tam sim no ua kom loog ntawm qhov ncauj tiam sis tseem hnov).
Tam sim no, cov kws kho hniav yuav tsum tau muaj kev xyaum nyhav heev thiab kev soj ntsuam thiaj li tau daim ntawv tso cai los tso tshuaj kom tsaug zog. Cov uas yuav tsum muaj muaj xws li:
- Ib xyoos los sis zoo li ntawv hauv kev kawm siab txog kev tso tshuaj kom tsaug zog los ntawm Dental Board of California.
- Ib qho kev soj ntsuam ntawm qhov chaw ua hauj lwm ntawv los ntawm ib pawg neeg uas yam tsawg yuav tsum muaj ob tug kws kho hniav (xaiv los ntawm pab Neeg Tswj) uas lawv twb tso tshuaj kom tsaug zog los ntev heev lawm. Cov neeg soj ntsuam yuav tsum tau saib thaum uas tso tshuaj kom tsaug zog thiab txiav txim seb tus neeg thov, thiab qhov chaw ua hauj lwm uas qhov kev soj ntsuam ntawv, puas muaj cov twj, cov teeb, cov tshuaj, cov ntaub ntawv, lwm yam zoo li no uas yog.
- Cov neeg uas tau daim ntawv tso cai yuav tsum tau raug soj ntsuam dua ib zaug rau xyoo twg, thiab yuav tsum tau kawm txuas ntxiv yam tsawg 15 teev hais txog kev tso tshuaj kom tsaug zog txhua ob lub xyoos twg thiaj li yuav rov qab tso cai rau dua.
Kev kho hniav tau muaj keeb kwm txog kev ruaj ntseg zoo heev. Cov kws kho hniav thiab CDA muaj kev ruaj siab los ua kom muaj kev ruaj khov hauv tag nrho cov kev kho hniav thiab los txo cov kev pheej hmoo, txawm tias peb yeej yuav tshem tawm tsis tag nrho cov cov kev pheej hmoo rau kev kho mob.
Tus neeg mob txoj kev ruaj ntseg yog qhov uas kawg nkaus. Qhov no txhais tau hais tias tsuas yog cov kws kho hniav uas tau kev xyaus txaus thiab muaj cov twj txaus thiaj li yuav los ua kom loog tiam sis tseem hnov, tso tshuaj tsaug zog tiam sis tseem hnov, thiab tso tsuaj tsaug zog tau xwb. Cov lus qhia yog tus yuam sij rau kev ruaj ntseg. CDA muab thiab kho cov lus qhia txuas ntxiv los pab cov kws kho hniav ua ua kom loog tiam sis tseem hnov, tso tshuaj tsaug zog tiam sis tseem hnov, thiab tso tsuaj tsaug zog kom ruaj ntseg li ruaj ntseg tau. Nws yog ib qho tseem ceeb sib npaug uas cov neeg mob yuav tsum tau nkag siab txog cov kev pab thiab cov kev pheej hmoo ntawm cov kev pab no thiab ua ib tig kws kho hniav, peb xav qhia txog kev ruaj ntseg ntawm peb cov kev ua nrog rau cov neeg mob kom ntau li ntau tau.
800.CDA.SMILE
cda.org