Dental Implants Hmong

Kev Cog Hniav

California Dental Association
Qhov chaw tso siab tau los qhia txog kev kho hniav

Kev kho hniav tau muaj los deb heev lawm txij li thaum uas siv cov hniav dag uas yog ntoo los hloov George Washington cov hniav! Niaj hnub no, thaum uas koj tsis muaj ib tug hniav los sis ntau tshaj ib tug hniav lawm, muaj ntau txoj kev los hloov qhov ntawv, nrog rau cov hniav uas tshem tau, cov hniav uas sib txuas thiab cov uas cog rau. Koj tus kws kho hniav uas yog ib tug neeg koom hauv California Dental Association (CDA) yuav nrog koj tham txog koj cov kev xaiv thiab pab koj txiav txim seb txoj kev twg yog txoj uas zoo tshaj rau koj.

Kev cog hniav yog dab tsi?
Kev cog hniav tau tshwm sim los tau ntau xyoo thiab neeg tau pom zoo txais coob zuj zus ntev mus thaum uas lawv pom hais tias nws yog ib txoj kev uas zoo heev los hloov tus hniav uas tsis muaj lawm. Lawv tseem muaj ib txoj kev los ua kom tus hniav dag ntawv zoo nkaus li tus hniav tseem thiab nyob kom ruaj.

Qhov kev cog hniav kiag xwb, feem ntau ua los ntawm titanium, yog siv zoo li ib tug cag cuav los tuav tus hniav dag los sis cov hniav. Tus kws phais hniav, feem ntau yog ib tug periodontist (tus kws kawm txog cov pos hniav) los sis ib tug neeg phais hauv cov hniav, muab cog rau hauv lub qhov uas tho rau hauv tus pob txha ntawm lub puab tsaig. Mam li muab ib tug pas tuav kom ruaj rau hauv “tus cag dag” ntawv thiab mam li los tuav ib qho uas yog yas, xws li ib yas hau hniav los sis qhov txuas ntawv, nyob rau sab saum toj ntawm cov pos hniav. Kev cog hniav tseem yuav siv tau nrog rau cov hniav yas uas tshem tau los ua kom nws khov dua thiab nyob ruaj rau cov hniav yas.

Yog vim li cas ho muab cog?
Kev cog hniav muaj tej yam uas zoo dua cov hniav yas uas tshem tau. Vim hais tias cov hniav yas uas tshem tau ntawv tsis nyob ruaj chaw, lawv yuav txav mus los thaum uas koj noj thiab hais lus. Ntxiv thiab, ntev mus tus pob txha uas tuav lo hniav yas ntawv pauv thiab me, uas ua rau qhov tuav ntawv nyuaj los tuav ib qho hniav yas kom nws zoo.

Kev cog hniav tseem muaj tej yam zoo dua cov hniav uas txuas, tshwj xeeb tshaj yog thaum uas cov hniav uas nyob ib sab ntawm tus hniav uas tsis muaj ntawv los sis cov hniav ntawv nws zoo. Yuav kom ua txuas tau mas, koj tus kws kho hniav uas yog ib tug neeg koom hauv CDA yuav tsum tau muab cov yas hau hniav tso rau ntawm cov hniav uas nyob ib sab no – vim lawv yog cov uas yuav tuav rau tus hniav uas hloov los sis cov hniav uas hloov ntawv. Yog hais tias cov hniav no kab tsis noj thiab muaj cov kev kho rau lawm, tej zaum koj yuav xav muab lawv tso twj ywm rau hauv lawv qhov chaw kom thiaj li tuav tau qhov uas kho ntawv. Kev cog hniav hloov tus hniav uas tsis muaj ntawv lawm los sis cov hniav ntawv yam uas tsis kov cov hniav uas nyob ib sab ntawv.

Kev cog hniav ua tau zoo npaum li cas?
Thaum uas kev cog hniav ua tau zoo heev, qhov uas zoo ntawv yog nyob ntawm ntau yam. Seb muaj pob txha npaum li cas los tuav qhov kev cog hniav ntawv, tus neeg mob txoj kev kaj huv ntawm cev, seb tus neeg mob puas haus luam yeeb los sis tsis haus thiab qhov uas tu tom tsev tas mus li yuav muaj feem rau hauv qhov uas zoo ntawv.

Nco ntsoov, hloov cov hniav uas tsis muaj ntawv lawm yog ib qho uas tseem ceeb thiaj li muaj kev kaj huv zoo rau cov hniav. Koj tus kws kho hniav uas yog ib tug neeg koom hauv CDA yuav soj ntsuam koj lub qhov ncauj seb zoo li cas thiab yuav pab koj txiav txim seb koj puas yog ib tug neeg uas yuav zoo rau kev cog hniav.

800.CDA.SMILE
cda.org