Peer Review Factsheet Hmong
Kev Soj Ntsuam Los Ntawm Cov Neeg Zoo Li Nws (Peer Review)
California Dental Association
Qhov chaw tso siab tau los qhia txog kev kho hniav
Koj puas tau muaj kev xav txog tias seb koj qhov kev kho hniav ntawv puas zoo? Yog hais tias koj tsis txaus siab txog qhov kev kho hniav uas koj tau txais, los sis yog hais tias koj xav tias tej zaum koj tau txais kev kho hniav uas tsis yog lawm, koj muaj ib qho chaw uas yuav tig mus rau tau.
Yog hais tias koj tus kws kho hniav yog ib tug neeg koom hauv California Dental Association (CDA), koj thov tau kom koj qhov kev tsis txaus siab ntawv raug daws los ntawm ib qho "kev soj ntsuam los ntawm cov neeg zoo li nws." Kev soj ntsuam los ntawm cov neeg zoo li nws yog tsim los ntawm CDA los daws cov teeb meem ntawm cov neeg mob thiab CDA cov kws kho hniav. Nws yog ib txoj kev uas tsis siv tsev hais plaub los txiav txim uas tus neeg mob tsis tau them. Txoj kev no soj ntsuam tus neeg mob yog hais tias tsim nyog thiab ib pawg kws kho hniav yauv los soj ntsuam lub hom phiaj uas yuav los kho ntawv los xyuas seb qhov kev kho hniav ntawv nws puas tsim nyog thiab puas yuav txais tau.
Yog hais tais pawg neeg no pom tau hais tias qhov kev kho hniav no nws tsis tsim nyog, CDA yuav thov kom tus kws kho hniav uas kho ntawv uas nyob hauv qhov kev soj ntsuam los them cov nqi uas tshwm sim ntawv rov qab rau koj.
Yog hais tias koj muaj teeb meem thiab koj tus kws kho hniav tsis yog ib tug neeg koom hauv CDA, koj yuav tsum tau hu rau Dental Board of California, lub haus paus muab kev tso cai thiab qhuab ntuas rau cov kws kho hniav.
Yog xav paub ntxiv txog California Dental Association’s txoj kev ua qhov kev soj ntsuam los ntawm cov neeg zoo li nws thov hu 800.CDA.SMILE.
800.CDA.SMILE
cda.org