Emergencies Hmong
Cov Xwm Ceev Ntawm Kev Kho Hniav
California Dental Association
Qhov chaw tso siab tau los qhia txog kev kho hniav
Cov kev raug mob ntawm qhov ncauj mas feem ntau mob heev, thiab yuav tsum tau coj mus kom tus kws kho hniav kho kom sai li sai tau. Cov Xwm Ceev Ntawm Kev Kho Hniav tej zaum muaj xws li raug ua rau tus hniav lov los lawm (evulsed), raug tshem tawm ntawm qhov chaw (extruded), los sis puas lawm (fractured.) Tej zaum daim di ncauj, cov pos hniav los sis lub puab tsaig raug to thiab.
COV HNIAV UAS RAUG LOV LOS LAWM
Thaum uas ib tug hniav raug lov los lawm koj yuav tsum tau:
- Sim nrhiav kom tau tus hniav
- Hu rau koj tus kws kho hniav uas koom hauv California Dental Association (CDA) tam sim ntawv es teem ib lub sij hawm kom ceev li ceev tau
- Maj mam muab yaug, tiam sis tsis txhob txhuam tus hniav es tshem tawm cov av los sis tej yam uas lo rau ntawv
- Muab tus hniav uas huv ntawv tso rau hauv koj lub qhov ncauj qhov nruab nrab ntawm lub puab tsaig thiab cov pos hniav
- Tsis txhob sim muab tus hniav dhos rov qab rau hauv lub qhov (socket). Qhov no yuav ua rau kom haj yam puas tshuaj ntxiv
- Mus rau tom tus kws kho hniav CDA kom sai li sai tau. Yog hais tias nws yog li ntawm peb caug feeb tom qab raug mob ntawv xwb, tej zaum yuav rov qab muab tus hniav rov cog rau tau
- Yog hais tias muab tus hniav tso tsis tau rov qab rau hauv lub qhov ncauj ntawm tus neeg raug mob ntawv (piv txwv li, yog ib tug menyuam me,) muab tus hniav qhwv rau hauv ib txoj phuam uas huv los sis ib daim ntaub nyias (gauze) thiab muab tsaus rau hauv cov mis nyuj
COV HNIAV UAS RAUG TSHEM TAWM NTAWM QHOV CHAW
Yog hais tias tus hniav raug thawb tsis nyob chaw lawm (thawb mus rau sab hauv los sis sab nrauv), yuav tsum tau muab tus ntiv tes maj mam thawb kom rov nyob chaw dua. Tsis txhob sib zog muab tus hniav ntsawb rov qab rau hauv lub qhov. Muab ib daim ntawv ntub dej los sis daim ntawv nyias los tuav tus hniav kom nyob chaw. Ntxiv dua thiab, nws yog ib qho tseem ceeb heev uas yuav tau mus cuag ib tug kws kho hniav CDA kom nws xyuas tus neeg uas raug mob ntawv kom sai li sai tau.
COV HNIAV UAS PUAS LAWM
Qhov uas seb yuav kho ib tug hniav uas puas lawm yuav yog nyob ntawm seb tus hniav ntawv nws puas loj npaum li cas. Tsis hais seb nws puas zoo li cas, yuav tsum tau mus cuag ib tug kws kho hniav CDA kom sai li sai tau es xyuas seb yuav kho li cas.
Puas Me Me – Qhov uas puas me me yuav muab kho kom zoo tau los ntawm koj tus kws kho hniav CDA uas muab ib daim ntawv txhuam (sandpaper) los sis cia nws nyob nws li ntawv. Lwm txoj kev yog kho tus hniav uas siv ntau yam los kho. Txawm ua qhov twg los, koj yuav tsum tau maj mam tu tus hniav mus li ntawm ob peb hnub.
Puas Me Ntsis – Qhov uas puas me ntsis muaj xws li puas tus txha hniav laus, txhab hniav mos thiab/los sis plawv hniav. Yog hais tias lub plawv hniav ntawv tsis yog puas mus kiag li lawm, muaj ntau cov kev uas koj tus kws kho hniav CDA yuav siv tau los kho koj tus hniav kom nws rov qab zoo li qub thiab ua zoo li qub, nrog rau qhov hloov ib lub yas hau hniav uas yuav nyob tas mus li. Yog hais tias lub plawv hniav puas lawm, tej zaum yuav tau kho hniav ntau dua ntxiv.
Puas Loj Heev – Qhov uas puas loj heev tej zaum yuav txhais hais tias ib tug hniav uas raug puas tej zaum yuav muaj hmoo me me los kho tau. Tiam sis, muaj ib co kev kho hniav los kho cov hniav uas puas loj heev thiab yuav tsum tau nrog ib tug kws kho hniav CDA tham kom sai li sai tau los xyuas seb kho puas yuav tau lawm.
KEV RAUG MOB RAU COV NQAIJ MOS HAUV LUB QHOV NCAUJ
Cov kev raug mob rau sab hauv lub qhov ncauj tej zaum yuav muaj ntuag, to thiab to tob rau lub puab tsaig, daim di ncauj los sis tus nplaig. Qhov to no yuav tsum tau muab ntxuav tam sim ntawv thiab yuav tsum tau coj tus neeg uas raug mob no mus rau tim qhov chaw kho mob ceev es yuav muab ntxiv thiab kho qhov uas to ntawv.
Tus nplaig to uas los ntshav ntawv yuav ua tau kom tsis txhob los ntshav heev mas muab tus nplaig hliav tawm thiab siv ib daim ntaub nyias los nias rau qhov chaw uas to ntawv.
800.CDA.SMILE
cda.org